Kane aipaisha Bayern Bundesliga

Freiburg, Ujerumani
Nyota ya mshambuliaji wa timu ya taifa ya England, Harry Kane imezidi kung’ara katika ligi ya Bundesliga ya Ujerumani baada ya kufunga bao katika ushindi wa 2-1 dhidi ya Freiburg
Kwa ushindi huo wa leo Jumamosi Januari 25, 2025, Bayern imezidi kujiimarisha kileleni kwa msimamo wa ligi hiyo kwa kufikisha pointi 48 katika mechi 19 ikifuatiwa na Bayer Leverkusen yenye pointi 42.
Kane, 31 ambaye pia ndiye nahodha wa timu ya England alifunga bao hilo dakika ya 15 wakati bao la pili lilifungwa na beki wa timu hiyo kutoka Korea Kusini, Kim Min-jae.
Zikiwa zimebakia dakika 22 mpira kumalizika, Freiburg walipata bao pekee la kufutia machozi lililofungwa kwa kichwa na Matthias Ginter.
Kwa Kane bao lake si tu limeibeba Bayern lakini pia limemfanya afikishe mabao 23 msimu huu huku akiendelea kukumbukwa kwa mabao matatu (hat trick) aliyofunga Novemba mwaka jana katika ushindi wa 3-0 dhidi ya Ausburg.
Ushindi huo umezidi kufufua matumaini ya Bayern kulibeba taji la Bundesliga msimu huu hasa baada ya mabingwa watetezi, Leverkusen kutoka sare ya mabao 2-2 na RB Leipzig.